Лукашэнка хоча прадаць "Беларуськалій" не менш як за 30 млрд долараў
Пра гэта ён заявіў у пятніцу на нарадзе па пытаннях прыватызацыі.
Па яго словах, якія цытуе БЕЛТА, "Беларуськалій" каштуе больш за 30 мільярдаў долараў. З такой ацэнкай, кажа кіраўнік Беларусі, пагадзіліся шматлікія міжнародныя фінансавыя інстытуты. Ён заявіў, што адкінуў прапановы прадаць "Беларуськалій" за 15 мільярдаў долараў.
Лукашэнка таксама паведаміў, што салігорскае прадпрыемства прыносіць у лепшыя гады да 3 мільярдаў долараў.
Фота — moyby.com
