Лукашэнка не згодны, што Расія дае субсідыі Беларусі
Пра гэта ён заявіў у гутарцы з дзяржаўным сакратаром Саюзнай дзяржавы Паўлам Барадзіным.
Па словах Лукашэнкі, якія перадае БЕЛТА, Беларусь была "зборачным цэхам" Савецкага Саюза і цяпер засталася "зборачным цэхам" Расіі. Кіраўнік краіны, заявіў, што Беларусь спажывае каля 60% камплектуючых з Расіі. Такім чынам, падтрымліваецца праца расійскіх прадпрыемстваў, дзе працуюць больш за 15 мільёнаў чалавек.
Таму, кажа Лукашэнка, падтрымліваючы эканоміку Беларусі, Расія падтрымлівае свае прадпрыемствы.
