Лукашэнка пагражае адабраць у БТ бюджэтныя грошы
Бюджэтная падтрымка Белтэлерадыёкампаніі ды іншых каналаў у 2013 годзе значна скароціцца.
Пра гэта заявіў Аляксандр Лукашэнка, прымаючы ў аўторак з дакладам старшыню Нацыянальнай дзяржаўнай тэлерадыёкампаніі Генадзя Давыдзьку.
Па яго словах, якія перадае прэс-служба кіраўніка дзяржавы, тэлерадыёкампанія — гэта прадпрыемства, якое павінна само зарабляць грошы. Таму з 2013 года Лукашэнка абяцае скарачаць бюджэтную падтрымку ўсім каналам кампаніі.
Акрамя таго, Лукашэнка прапанаваў скараціць склад Белтэлерадыёкампаніі на 25-30%. Па яго словах, такія рэформы мусяць адбыцца ва ўсіх структурах, якія карыстаюцца сродкамі з бюджэту.
Фота — bymedia.net
