Ля мінскай Камароўкі гандлююць фальшывым мёдам
За ліпень лабараторыя ветэрынарна-санітарнай экспертызы знайшла 4 пробы падробленага прадукту бортніцтва, які прынеслі на праверку пакупнікі.
Хутчэй за ўсё гэты мёд прадаваўся не на прылаўках рынку, а на вуліцы блізу Камароўкі, з рук, піша агенцтва “Мінск-Навіны”. Паводле загадчыцы лабараторыяй рынку Кацярыны Дубікоўскай, штодня перад пачаткам гандлю рэалізатары абавязаныя праводзіць экспертызу прадукту. Лабараторны талон выдаюць толькі ў тым выпадку, калі мёд якасны.
А нелегальныя вулічныя гандляры вельмі часта прадаюць тавар, дзе верхні слой мёд, а пад ім суцэльны цукар.
