Мадэратараў сацыяльных сетак асуджаюць на суткі
Паўла Еўціхіева, затрыманага 30 жніўня ў Мінску, абвінавацілі ў дробным хуліганстве.
Кастрычніцкі суд сталіцы прызначыў хлопцу 5 сутак арышту, піша праваабарончы сайт "Вясна". Пазней стала вядома, што Андрэю Ткачову прысудзілі 7 сутак арышту. Як паведамляла Еўрарадыё, Рамана Пратасевіча адпусцілі яшчэ ўчора, бо ён непаўналетні.
Віцяблянін Алег Шрамук знайшоўся ў мясцовым КДБ, інфармуе Радыё "Свабода". Яго, нібыта, адпусцілі ўначы пасля допыту.
Мадэратар суполкі "Надакучыў нам гэты Лукашэнка" Сяргей Бяспалаў паведаміў сёння зранку групе "Рэвалюцыя праз сацыяльныя сеткі", што ён знаходзіцца ў Расіі. Па словах хлопца, ён не збіраецца пакуль вяртацца ў Беларусь і просіць КДБ не шукаць яго.
Нагадаем, што ўчора ў Мінску і Віцебску прайшлі затрыманні мадэратараў апазіцыйных суполак у сацыяльных сетках. Некаторым удалося пазбегнуць арышту.
Фота — bymedia.net
