МАГАТЭ: Тэрарысты могуць выкарыстоўваць “брудныя бомбы”
Пра гэта папярэдзіў кіраўнік арганізацыі Юкіа Амана ў часе свайго выступу на сесіі Генеральнай асамблеі ААН у Нью-Ёрку.
Амана падкрэсліў, што глабальнае партнёрства грае жыццёва важную ролю для ўмацавання ядзернай бяспекі, а таксама для перадухілення незаконнага абарачэння ядзерных і радыеактыўных матэрыялаў.
Існуючыя механізмы з’яўляюцца магутнай заслонай на шляху набыцця такіх матэрыялаў. Але разам з тым застаюцца сур’ёзныя рызыкі вырабу тэрарыстамі “бруднай бомбы”, у якой будзе звычайная выбухоўка і пэўная доля ядзернага матэрыялу. Гэта мела б сур’ёзныя наступствы, лічыць Юкіа Амана. Выкарыстанне падобнай бомбы здольнае выклікаць масавую паніку і прывесці да эканамічных наступстваў. Кіраўнік МАГАТЭ падкрэсліў, што праблемы ў галіне ядзернай энергетыкі неабходна вырашаць у тэрміновым парадку, перадае БЕЛТА.
