Махляр набыў тры мабільнікі па чужым пашпарце
Беспрацоўнаму зламысніку 20 гадоў, а пашпарт ён паказаў 55-гадовага дворніка.
Тым не менш супрацоўнікі салона сотавай сувязі “МТС” чамусьці не звярнулі ўвагі на відавочную розніцу ва ўзросце ў 35 гадоў і прадалі яму тэлефоны ў растэрміноўку. Агульны кошт сродкаў сувязі склаў 5 328 000 рублёў, пішуць “Народныя навіны Віцебска”.
Махляра затрымалі супрацоўнікі крымінальнага вышуку. Дарэчы, хлопец ужо мае судзімасць і цяпер на яго завялі новую справу.
