Матчы БАТЭ супраць "Гомеля" і "Славіі" перанесеныя
З такой просьбай барысаўскі футбольны клуб звярнуўся ў Беларускую федэрацыю футболу.
Клуб патлумачыў, што гэта неабходна для максімальна плённай падрыхтоўкі да паядынкаў стадыі плэй-оф Лігі чэмпіёнаў з ізраільскім "Хапаэлем".
Хатняя гульня 21-га тура чэмпіяната Беларусі з "Гомелем" адбудзецца ў пятніцу, 17 жніўня, — на дзень раней, чым планавалася. А выязны матч 22-га тура са "Славіяй" замест 25 жніўня БАТЭ правядзе 18 кастрычніка, паведамляе сайт клуба.
Фота — fcbate.by
