Мінадукацыі: падставаў для падвышэння коштаў у ВНУ няма
Пра гэта ў часе ан-лайн канферэнцыі на сайце БЕЛТА заявіў міністр адукацыі Беларусі Сяргей Маскевіч.
З яго словаў, асноўны фактар, які можа вызначаць змяненне коштаў на адукацыйныя паслугі, — гэта змяненне тарыфнай стаўкі першага разраду. Ад яе залежыць заробак выкладчыкаў і, адпаведна, аплата за навучанне. Планаў наконт змянення тарыфнай стаўкі няма, а значыць няма падставаў для падвышэння коштаў на навучанне ў ВНУ.
Але ж пры гэтым міністр не выключыў, што калі будуць расці кошты на тавары і паслугі, а, галоўнае, стаўка першага разраду, то цана адукацыйных паслуг таксама можа падвысіцца.
