Міністр адукацыі: удзельнікі эксперыменту выказаліся за планшэты і нэтбукі
Сёлета ён будзе працягнуты і пашыраны.
Настаўнікі і школьнікі пяці школаў краіны, якія ў мінулым навучальным годзе ўдзельнічалі ў эксперыменце па выкарыстанню ў працэсе вучобы планшэтаў і нэтбукаў, падтрымалі гэтае новаўвядзенне. Паводле слоў міністра адукацыі Сяргея Маскевіча, вынікі эксперыменту ўжо абагульненыя і сістэматызаваныя.
Міністр заявіў, што да яго могуць далучацца іншыя школы і гімназіі, якія маюць адпаведную матэрыяльную базу і кваліфікаваных настаўнікаў, інфармуе БЕЛТА.
Фота — onliner.by
