МНС: Уначы чакаецца уздым вады ў Дняпры яшчэ на метр
У Шклове з падтопленых шасці жылых дамоў прайшла эвакуацыя людзей.
Вось што распавялі Еўрарадыё ў МНС Магілёўскай вобласці:
"Адселена 9 чалавек, тры з якіх — да сваякоў, шэсць — у гасцініцу. Мы чакаем сёння яшчэ ўздым вады, таму да канца дня могуць быць эвакуяваныя яшчэ некалькі чалавек".
Уначы 17 красавіка вада ў Дняпры паднялася на 85 сантыметраў. Вада прыбывае і ўначы чакаецца другая хваля вады з Расіі. Магчыма, што ўзровень вады можа за ноч вырасці яшчэ на метр.
Фота — sb.by
