МВФ папярэджвае Беларусь пра новы фінансавы крызіс
Гэтае папярэджанне апублікаванае ў новай справаздачы Міжнароднага валютнага фонду.
МВФ заклікае афіцыйны Мінск правесці абяцаныя рэформы і стабілізацыйныя меры, каб атрымаць новыя пазыкі ад фонду. У справаздачы гаворыцца, што імкненне да высокіх паказчыкаў эканамічнага росту і заробкаў можа выклікаць новы віток інфляцыі і дэвальвацыі, інфармуе РБК.
МВФ адзначае, што пакуль не гатовы крэдытаваць Беларусь. Тым больш, што наша краіна цяпер шукае сродкі для рэфінансавання запазычанасці перад фондам на суму 3,6 млрд долараў. Гэтая пазыка мусіць быць пагашаная ў 2012-2014 гадах.
Фота — thiwaratri-resort.com
