Мясніковіч прапануе Азербайджану набыць беларускі банк
Такая прапанова з вуснаў прэм’ер-міністра прагучала 7 ліпеня ў Азербайджане. Міхаіл Мясніковіч знаходзіцца там з двухдзённым візітам.
Набыццё аднаго з беларускіх банкаў ці яго часткі стала б сур’ёзнай базай для супрацоўніцтва, лічыць кіраўнік ураду. Гэта з’явілася б і дыверсіфікацыяй капіталу, і ўдзелам Азербайджану на фінансавым рынку Беларусі.
Інвестыцыі і супрацоўніцтва ў гэтай сферы — асноўныя пытанні, якія Міхаіл Мясніковіч абмяркоўвае з афіцыйнымі асобамі Азербайджану, паведамляе БелаПАН.
