На Брэстчыне бамжы пачалі красці “на падтрыманне штаноў”
З надыходам халадоў яны найчасцей шукаюць ежу ці тавары, якія можна абмяняць на харчы.
Так, 30 кастрычніка ў Баранавіцкім раёне бомж спрабаваў скрасці ў пенсіянеркі парася, потым скраў у другога вяскоўца 7 трусоў. Па абодвух фактах распачатая крымінальная справа, паведамілі ва УУС Брэсцкага аблвыканкама.
А ў Брэсце бомж абакраў аддзел адукацыі Маскоўскага раёна. Ён разбіў шыбу і вынес 3 кампутары, 2 друкаркі, 3 маніторы і электрадрыль.
