Коля Лукашэнка будзе вучыцца ў Астрашыцкім Гарадку
На лінейцы ў гэтай вясковай школе выступіць кіраўнік краіны і па сумяшчальніцтве бацька першакласніка Аляксандр Лукашэнка.
Як адзначае БЕЛТА, гэтая школа заснаваная ў 1863 годзе. Нядаўна тут правялі капітальны рамонт з мадэрнізацыяй — на гэта пайшло каля 14 млрд рублёў. У школе будзе плавальны басейн з дзвюма чашамі — 12 м і 25 м. У трох першых класах школы будуць навучацца 43 вучня. Агулам школу будуць наведваць 407 навучэнцаў.
З мінулага навучальнага года ў школе арганізаванае навучанне ў чатырох спецыялізаваных спартовых класах — аддзяленнях па хакеі з шайбай Рэспубліканскага цэнтра падрыхтоўкі па зімовых відах спорту "Раўбічы".
