На інтэрнэт-аўкцыёне прадаюць беларускі дакумент XVI стагоддзя
На папулярным польскім інтэрнэт-аўкцыёне Allegro выстаўленая на продаж дамова на старабеларускай мове.
Яна ўкладзеная ў Полацку 15 студзеня 1596 года паміж Мельхіёрам Хехлоўскім і братамі Мікалаем, Пятром і Фёдарам Неміровіч-Шчытамі, інфармуе charter97.org
Дакумент складаецца з 6 старонак тэксту аб перадачы маёнтка Стайкі, які належаў братам, пад заклад. Пачатковы кошт дамовы — 850 злотых (200 еўра).
Аўкцыён заканчваецца 31 студзеня.
