На Магілёўшчыне ліквідавалі падпольную наркалабараторыю
Там рабілі метадон. Па высновах экспертаў, у ёй маглі вырабляць да трох кілаграмаў наркотыку на тыдзень.
Лабараторыя знаходзілася ў адной з вёсак і была арганізаваная ў студзені-лютым гэтага года. Міліцыянты затрымалі трох жыхароў Магілёва. У лабараторыі знайшлі абсталяванне для хімічных рэакцый, а таксама болей за 500 літраў хімічных рэагентаў. Падчас пераструсу было знойдзена 70 грамаў вырабленага метадону, паведамляе mycity.by.
На ўсіх наркагандляроў пачалі крымінальныя справы.
