На выбарчым участку ў Мінску ўстановяць відэакамеру
Для грамадзян Расіі 4 сакавіка ў Беларусі будуць працаваць 7 выбарчых участкаў. Звычайна на іх галасуюць каля 5 тысяч расіян.
Да ранейшых участкаў у Мінску (у расійскай амбасадзе), Брэсце (у генконсульстве), Віцебску, Гомелі, Гродне і Магілёве сёлета дадасца яшчэ Бабруйск, дзе, як высветлілася, "жыве дастаткова вялікая колькасць расіян". Як адзначае БЕЛТА, яшчэ адным новаўвядзеннем стане ўстаноўка на мінскім выбарчым участку відэакамеры, якая будзе фіксаваць усё, што там адбываецца.
Нагадаем, 4 сакавіка ў Расіі пройдуць прэзідэнцкія выбары.
