Сіноптыкі: У суботу чакаецца снег і дождж, уначы да 12 градусаў марозу
Пра гэта Еўрарадыё распавяла галоўны сіноптык службы гідраметэаралагічных прагнозаў гідраметэацэнтра Людміла Парашчук.
Людміла Парашчук: “Пакуль радаваць няма чым. Пакуль мы ніжэй за кліматычную норму, і актыўнай вясны не відаць. Паводле папярэдніх прагнозаў, чакаем вясны ў канцы наступнага тыдня. Тэмпература ў начныя гадзіны на выхадных будзе паніжацца да -1...-6, па некаторых раёнах да 12 марозу”.
У выхадныя чакаюцца дажджы па ўсходзе краіны і снег — на захадзе. Праз гэта ў паўночна-заходніх раёнах Беларусі павялічыцца вышыня снежнага полага, прагназуюць сіноптыкі.
Фота — bymedia.net
