Сіноптыкі: у панядзелак невялікі снег і да 19 градусаў марозу
У бліжэйшыя суткі, 18 сакавіка, у Беларусі будзе пераменная хмарнасць.
Надвор’е будзе пераважна без ападкаў, толькі на захадзе краіны месцамі магчымы невялікі снег. На асобных участках дарог захаваецца галалёдзіца. Вецер няўстойлівы, слабы.
Тэмпература паветра ўначы складзе 12-19 градусаў марозу, месцамі будзе да мінус 20-23 градусаў. Удзень прагназуецца 1-7 градусаў ніжэй за нуль, інфармуе БЕЛТА са спасылкай на Белгідрамет.
