Надвор’е на панядзелак: удзень ад мінус 5 да плюс 1
4 лютага ў Беларусі будзе хмарна з праясненнямі, месцамі па краіне пройдзе невялікі снег, уначы на ўсходзе — снег умеркаваны.
У асобных раёнах магчымы туман, слабая галалёдзіца, галалёдзіца на дарогах. Вецер заходні, паўднёва-заходні 3-8 метраў за секунду.
Тэмпература паветра стане крыху ніжэйшай. Уначы яна складзе 2-8 градусаў марозу, пры праясненнях будзе 9-12 градусаў ніжэй за нуль. Удзень прагназуецца ад мінус 5 да плюс 1 градуса, перадае БЕЛТА са спасылкай на Рэспубліканскі гідраметцэнтр.
