Намміністра гандлю: Попыт увойдзе ў звычайную норму
Кошты на соль у Беларусі да ўзроўня сумежных дзяржаў падымацца не будуць. Пра гэта паведаміў сёння першы намеснік міністра гандлю Беларусі Аляксандр Забэла.
"У нас у краіне на сённяшні дзень запасаў солі хопіць - і буйнага, і дробнага памолу", - адзначыў першы намміністра. Ён таксама дадаў, што наяўныя запасы дазволяць вытрымаць любы ажыятажны попыт на соль, перадае БЕЛТА.
"Думаю, калі людзі ўбачаць, што ў крамах на працягу некалькіх дзён запасы солі не знікаюць, сітуацыя з падвышаным попытам зменіцца, попыт увойдзе ў звычайную норму", - падкрэсліў Аляксандр Забэла.
