НІСЭПД: амаль траціна беларусаў чакае пагаршэння сітуацыі
Віленскі Незалежны інстытут сацыяльна-эканамічных і палітычных даследаванняў у снежні 2012-га правёў апытанне грамадскай думкі.
Яно прысвечанае важнейшым праблемам жыцця беларусаў. Амаль траціна грамадзян Беларусі (29,7%) лічаць, што сацыяльна-эканамічная сітуацыя ў краіне ў бліжэйшай будучыні пагоршыцца, 23,3% апытаных спадзяюцца, што сітуацыя палепшыцца.
Як паведамляе БелаПАН са спасылкай на даследаванне НІСЭПД, тая ж траціна рэспандэнтаў сказала, што "ніякіх поспехаў у беларускай эканомікі няма", яшчэ 28,4% — што "калі б не расійская дапамога, ніякіх поспехаў беларускай эканомікі не было б", і толькі 28,1% лічаць, што "поспехі беларускай эканомікі тлумачацца ўнутранымі прычынамі".
Фота — bymedia.net
