Новыя санкцыі супраць Беларусі могуць прыняць у красавіку
Еўрапейскі Саюз абмяркоўвае магчымасць уводу эканамічных санкцый супраць Беларусі.
Пра гэта 7 красавіка паведаміла украінскае агенцтва УНІАН са спасылкай на высокапастаўленага дыпламата ЕС.
"Гэтая размова ідзе ў тым ліку пра ўвядзенне эканамічных санкцый", — сказаў суразмоўца агенцтва.
"Нашая мэта пры гэтым палягае ў тым, каб грамадзяне Беларусі не сталі закладнікамі", — дадаў ён.
Магчыма, што рашэнне наконт новых санкцый будзе прынятае ўжо ў красавіку падчас будучай сустрэчы кіраўнікоў замежнапалітычных ведамстваў краін Еўрасаюза.
