Нямецкі амбасадар мяняе Беларусь на Украіну
Гаворка ідзе пра Крыстафа Вайля, які дагэтуль быў амбасадарам Нямеччыны ў Беларусі.
Цяпер ён будзе прадстаўляць сваю дзяржаву ва Украіне, піша "Украинская правда". Выданне нагадвае, што сёлета ў лютым Вайль разам з іншымі амбасадарамі Еўрасаюзу на знак пратэсту супраць дзеянняў уладаў пакідаў Беларусь і вярнуўся толькі ў красавіку.
Ракіроўкі амбасадарамі паміж Беларуссю і Украінай, аднак, не адбудзецца. Цяперашні амбасадар Нямеччыны ва Украіне Ганс-Юрген Гаймзёт пераязджае ў Парыж. Ён узначаліць місію Нямеччыны пры Арганізацыі эканамічнага супрацоўніцтва і развіцця.
Хто ўзначаліць амбасаду Нямеччыны ў Беларусі, пакуль невядома.
Фота — minsk.diplo.de
