Нямеччына адклікае з Беларусі свайго амбасадара
Пра гэта заявіў увечары 28 лютага ў Брусэлі нямецкі міністр замежных спраў Гіда Вестэрвеле.
Як перадае БелаПАН, Гіда Вэстэрвеле, рэагуючы на заяву беларускага МЗС, адзначыў: "Гэта крок супраць Польшчы, крок супраць Еўрасаюза, раўнасільны кроку супраць нас, немцаў".
"Еўрапейцы не могуць цярпець такое парушэнне правоў чалавеку ў Беларусі, якая з'яўляецца апошняй дыктатурай Еўропы", цытуе сп. Вестервеле Bloomberg. Па звестках агенцыі dpa, нямецкі міністр выказаў "абурэнне" рашэннем беларускіх уладаў.
На думку кіраўніка МЗС ФРГ, усім астатнім краінам Еўрасаюза таксама час адклікаць сваіх прадстаўнікоў для кансультацый. Шэраг іншых краінаў ЕС разглядаюць магчымасць такога захаду.
