Open Air у гонар Максіма Багдановіча пройдзе ў Гродне
19 траўня супрацоўнікі музея, які носіць імя вядомага паэта, падрыхтавалі багатую праграму для гродзенцаў.
Мерапрыемства пад адкрытым небам – перад музеем і ў ягоным дворыку – пачнецца ад 9-й раніцы. Госці музея змогуць паўдзельнічаць у анімаваных экскурсіях, канцэрце інструментальнай музыкі, віктарынах і конкурсах, майстра-класах па розных відах народнай творчасці.
Open Air – адно з шэрагу мерапрыемстваў, прысвечаных 120-гадоваму юбілею Максіма Багдановіча. Раней гродзенскія ўлады заявілі пра намер усталяваць помнік класіку беларускай літаратуры.
