Пад Гроднам МАЗ раздушыў легкавы "мерсэдэс" (фота)
У лякарню з цяжкімі траўмамі трапілі чацвёра пацярпелых — дзве жанчыны і два мужчыны. Усе яны ехалі ў "мерсэдэсе".
Як паведамляе auto.onliner.by, здарэнне адбылося каля 16-й. Кіроўца МАЗ выязджаў на скрыжаванне з другараднай дарогі ды праігнараваў знак "саступі дарогу“. Даішнікі кажуць, што не заўважыць легкавік было немагчыма: бачнасць не была абмежаваная, няма ніякіх перашкодаў, якія закрываюць агляд.
Інспектары адзначаюць: удар быў такой сілы, што пасля сутыкнення Mercedes ператварыўся ў груду металу. Сам кіроўца грузавіка, які перавозіў шкло, не пацярпеў. Ён, дарэчы, не змог патлумачыць, чаму выехаў на скрыжаванне.
Фота — ДАІ Гродзенскай вобласці
