Пад Мінскам затрымалі барда Ігара Сімбірова
Разам са Змітром Бартосікам ён даваў прыватны канцэрт каля станцыі "Зялёная". Міліцыянты затрымалі таксама 11 удзельнікаў сустрэчы.
Як інфармуе Радыё Свабода, у міліцыі ў Ждановічах у іх бралі адбіткі пальцаў, пасля ўсіх, акрамя Сімбірова, адпусцілі. На яго склалі адміністратыўны пратакол. Нібыта, Ігара Сімбірова (на здымку) абвінавацілі ў "непадпарадкаванні міліцыі пры затрыманні", у тым, што ён "лаяўся і размахваў рукамі". Пазней стала вядома, што міліцыянты павезлі яго ў бок Мінску.
Нагадаем, Ігар Сімбіроў 6 траўня выйшаў на волю пасля 10 сутак адміністратыўнага арышту. 26 красавіка ён прыехаў з Асіповічаў у сталіцу на "Чарнобыльскі шлях", але быў затрыманы і асуджаны за "дробнае хуліганства".
Фота — svaboda.org
