Пад Пружанамі разбіўся вайсковы верталёт МІ-24
Трагедыя адбылася сёння, 29 лістапада, экіпаж у складзе 3 чалавек загінуў.
Інфармацыю пра катастрофу пацвердзіла Міністэрства абароны Беларусі, перадае Радыё Свабода.
Звестак пра прычыну аварыі няма.
Загінулі:
камандзір экіпажу маёр Алег Кахно
бартавы тэхнік капітан Валерый Бабко
штурман Дзяніс Глушчанка
За апошні час гэта другая аварыя верталёту з чалавечымі ахвярамі. У кастрычніку ў Пастаўскім раёне каля мяжы з Літвой разбіўся верталёт памежнай службы. Пяць чалавек, якія знаходзіліся на борце (гэта экіпаж і журналісты, якія рыхтавалі рэпартаж), загінулі.
