Пад Скідзелем спыняліся цягнікі — на рэйках шукалі бомбу
З-за падазронага прадмета на чыгуначных пуцях рух цягнікоў прыпынілі на некалькі гадзін.
Пільнасць праявіў адзін з супрацоўнікаў чыгункі. Ён заўважыў на рэйках падазроны прадмет і паведаміў дзяжурнай па станцыі ў Скідзелі, а тая выклікала міліцыю.
Як паведамляе "Народная воля", праваахоўнікі, што выехалі на месца, хутка высветлілі, што прадмет ніякай небяспекі не ўяўляе. За выбуховае прыстасаванне працаўнік чыгункі прыняў пашкоджаны кандэнсатарны блок электрапрываду прыстасавання пераводу стрэлак. Цяпер праваахоўнікі высвятляюць, хто паклаў яго на рэйкі.
