Паездка "Гавары праўду!" заканчваецца судом

Яны хацелі наведаць вёску Якімава Слабада пад Светлагорскам. Жыхары вёскі незадаволеныя планамі ўладаў пабудаваць цэлюлозны камбінат каля яе. Актывісты кампаніі хочуць дапамагчы вяскоўцам арганізаваць мясцовы рэферэндум на гэты конт.

Аднак з вяскоўцамі ім сустрэцца не ўдалося. Міліцыянты затрымалі мінскіх візіцёраў і абвінавацілі ў парушэнні правілаў дарожнага руху. Каля трох гадзінаў актывісты і журналісты правялі ў мясцовым пастарунку, пасля чаго іх адпусцілі.

Затрымалі толькі Міхася Пашкевіча. На яго склалі пратакол за "ўмяшанне ў дзеянні супрацоўнікаў міліцыі", перадае Радыё "Свабода". 1 чэрвеня над юнаком пройдзе суд. На ноч Пашкевіча пакінулі ў светлагорскай міліцыі.

Дарэчы, перад тым яго вазілі на медабследаванне. Паводле папярэдніх звестак, хлопцу моцна прышчамілі руку.

Фота — svaboda.org