Палітвязень Каваленка Лукашэнку: "Прашу мяне вызваліць"
Сяргей Каваленка напісаў прашэнне аб вызваленні на імя кіраўніка дзяржавы. У ім толькі кароткі згаданы вышэй радок.
Сваёй віны сябра КХП БНФ не прызнаваў. Пра гэта стала вядома пасля таго, як з Каваленкам у калоніі сустрэліся брат і бацька. Сваякі адзначаюць, што з Сяргея ў калоніі хочуць зрабіць злоснага парушальніка. Цяпер працягваецца спатканне Каваленкі з жонкай Аленай і сынам Валянцінам, паведамляе "Наша ніва".
Нагадаем, Сяргей Каваленка ў лютым быў асуджаны на 2 гады і месяц калоніі за парушэнне рэжыму адбыцця хатняй "хіміі" (яе яму прысудзілі за вывешаны на галоўнай ёлцы Віцебска бела-чырвона-белы сцяг). Ён знаходзіцца ў папраўчай калоніі № 19 Магілёва.
Каваленка прызнаны міжнароднымі арганізацыямі палітвязнем.
Фота — bymedia.net
