Памёр 12-гадовы хлопчык, пацярпелы ў аварыі пад Быхавам
Ён стаў яшчэ адной ахвярай сутыкнення трох машын з расійскімі нумарамі каля вёскі Вароніна.
Нагадаем, што ў выніку ДТЗ, якое адбылося тыдзень таму, загінуў пасажыр “Нісана”. Кіроўца аўтамабіля і трое яго пасажыраў, у тым ліку 12-гадовы хлопчык, з цяжкімі траўмамі былі дастаўлены ў лякарню.
Прычынай аварый стаў выезд на паласу сустрэчнага руху аўтамабіля “Дэу Нэксія”, кіраванага 34-гадовай жанчынай.
Па факце трагедыі распачатая крымінальная справа, паведамляе тэлерадыёкампанія “Магілёў”.
