Памежны пункт “Рыгораўшчына” закрываецца на рамонт
Ён не будзе працаваць тры месяцы — з 15 ліпеня па 15 кастрычніка.
У гэты перыяд у Браслаўскім раёне на мяжы з Латвіяй тройчы на тыдзень (у пятніцу, суботу, нядзелю) з 9.00 да 21.00 будзе працаваць пункт спрошчанага пропуску “Плюсы”. Але праходзіць праз яго могуць толькі жыхары памежжа Беларусі і Латвіі.
Грамадзяне трэціх краін, а таксама беларусы і латышы, якія не пражываюць у памежнай зоне, змогуць перасекчы беларуска-латвійскую мяжу праз пункт пропуска “Урбаны”, паведамляе БЕЛТА са спасылкай на прэс-службу Дзяржаўнага памежнага камітэту.
