Парламент Малдовы сёння паспрабуе выбраць прэзідэнта краіны
Адзіным кандыдатам з'яўляецца суддзя Мікалай Цімофці.
Нагадаем, Малдова ўжо болей за два гады жыве без прэзідэнта і гэта сусветны рэкорд. З-за таго, што выбары ўвесь час правальваюцца, ужо былі распушчаныя два парламенты.
Папярэдняя спроба абраць прэзідэнта адбылася 16 снежня летась. Аднак лідар Дэмакратычнай партыі Марыян Лупу не набраў неабходнай колькасці галасоў, яму не хапіла падтрымкі трох парламентароў. Мяркуецца, што і цяпер усё будзе залежыць ад выбару трох дэпутатаў, якія адкалоліся ад кампартыі.
