Пажар на на Вуглягорскай ЦЭС пад Данецкам патушылі
У выніку інцыдэнту адзін чалавек загінуў, пяць атрымалі апёкі, з задымленага асяроддзя ўратавалі 10 чалавек.
Моцны пажар, які палыхнуў па абедзе 29 сакавіка, патушылі раніцай у суботу. Жыхары горада Светладарска (болей за 12 тысяч чалавек) праз гэтае здарэнне часова засталіся без ацяплення. Таксама адключалася электрычнасць на Новалуганскім фільтравальна-ачышчальным водным комплексе.
Пажар тушылі 40 адзінак асноўнай і спецыяльнай тэхнікі. Прычына ўзгарання высвятляецца, інфармуе УНІАН.
