Польскія фанаты збіраюць прадукты для ветэранаў АК у Беларусі

Прадукты будуць збіраць падчас матчу "Колеёжа" са "Слёнскам" з Вроцлава.

Як адзначае газета "Ржэчпасполіта", аб'яднанне жаўнераў АК у Беларусі не з'яўляецца легальнай арганізацыяй і яе ўдзельнікі не атрымоўваюць дапамогі як ветэраны. Таму шмат хто з жаўнераў не мае сродкаў для існавання.

Акцыя па зборы прадуктаў для ветэранаў АК праводзіцца футбольнымі фанатамі ўжо некалькі гадоў.

Нагадаем, Армія Краёва была створаная ў 1942 годзе на тэрыторыі Польшчы, а таксама ў Заходняй Беларусі. Яна падначальвалася польскаму эміграцыйнаму ўраду ў Лондане. АК ваявала супраць нямецкіх акупантаў, адбываліся сутычкі з савецкімі партызанамі і беларускімі нацыяналістамі.

Фота — rp.pl