Прадстаўнікі АБСЕ наведаюць беларускія ваенныя аб'екты
Вайскоўцы з 27 краін АБСЕ прыбылі сёння ў Мінск у адпаведнасці з Венскім дакументам 1999 года па захадах па ўмацаванні даверу і бяспекі.
Паводле ўмоваў Венскага дакумента кожная з дзяржаваў-удзельніц раз на 5 гадоў ладзіць наведванне прадстаўнікамі АБСЕ нацыянальных ваенных аб'ектаў.
У межах цяперашняга візіту прадстаўнікі ваенных ведамстваў 27 еўрапейскіх краін 19-20 красавіка наведаюць два ваенныя аб'екты Узброеных сіл Беларусі: 61-ю знішчальную авіяцыйную базу і 11-ю асобную механізаваную брыгаду, перадае БЕЛТА.
