Праваабаронцу Алега Воўчака асудзілі на 9 сутак за "нецэнзурную лаянку"
Яго затрымалі ў чацвер міліцыянты ў цывільным у раёне плошчы Бангалор у Мінску.
Як паведамляе "Белорусский партизан", Воўчака павезлі ў пастарунак, а адтуль — у суд Цэнтральнага раёна. Позна ўвечары стаў вядомы прысуд — 9 сутак арышту.
Адзначым, што апошні раз праваабаронцу затрымлівалі ў студзені сёлета. Яго абвінавацілі ў "дробным хуліганстве" і пакаралі 4 суткамі адміністратыўнага арышту.
Фота — bymedia.net
