Прэм’ер Польшчы: Няхай Лукашэнку будзе сорамна
Дональд Туск пракаментаваў візіт беларускага лідара ў Кіеў.
Прэзідэнт Польшчы Браніслаў Камароўскі, як і іншыя кіраўнікі еўрапейскіх краін знойдуць “адпаведную форму зносінаў” з Аляксандрам Лукашэнкам на фінале Еўра-2012, нават калі гэта будзе няпроста, лічыць польскі прэм’ер-міністр.
Ён таксама лічыць, што Лукашэнку “павінна быць сорамна паказвацца на фінале ў Кіеве”, перадае ukrinform.ua “Тое, што свет думае аб сітуацыі ў Беларусі, з’яўляецца нязручнасцю для Лукашэнкі… Дзе б ён не з’явіўся, няхай яму будзе сорамна. Гэтым разам няхай яму будзе сорамна на стадыёне ў Кіеве”, — падкрэсліў Дональд Туск.
