Прэзентаваны відэакліп "Рэп супраць смяротнага пакарання"
У кліпе ўдзельнічаюць Уладзімір Някляеў, Адам Глобус, Любоў Кавалёва.
Дзяўчаты з магілёўскага гурта “Прадмова” Роня Роніч і Каця Красавік чытаюць рэп, у якім раскрываюць праблему смяротнага пакарання. Вядомыя людзі здаўна бяруць удзел у кампаніі супраць смяротнага пакарання. Распавядае арганізатар Андрэй Палуда:
“Людзі, якія зняліся ў гэтым кліпе, не ўпершыню падтрымліваюць кампанію супраць смяротнага пакарання і кажуць сваё "не" смяротнаму пакаранню ў нашай краіне”.
Каардынатар кампаніі "Праваабаронцы супраць смяротнага пакарання№" Андрэй Палуда таксама заклікае беларусаў паставіць свой подпіс пад адмысловай петыцыяй. На сёння кампанія сабрала 14,5 тысяч подпісаў з Беларусі і з замежжа.
Фота — spring96.org
