Прысуд былому прэзідэнту Егіпта Мубараку вынясуць 2 чэрвеня
Таксама ў гэты дзень пачуюць прысуд сыны Хосні Мубарака і былыя кіраўнікі МУС.
Як інфармуе РІА "Новости", у сераду ў Акадэміі паліцыі ў Каіры адбылося апошняе перад вынясеннем прысуду паседжанне суда па справе экс-прэзідэнта Егіпта, яго сваякоў і шэрагу былых кіраўнікоў міністэрства ўнутраных спраў. Іх абвінавачваюць у расстрэле мірных дэманстрацый ў дні студзеньскага паўстання 2011 года, а таксама ў карупцыйных злачынствах.
