Прысуд Канавалаву і Кавалёву будуць зачытваць цалкам
Ён займае 114 старонак. Зачытванне прысуду можа заняць 4-5 гадзінаў.
Абвясціць прысуд цалкам папрасілі пацярпелыя. Суддзя Аляксандр Федарцоў пагадзіўся з такой просьбай.
Нагадаем, што абвінавачанне папрасіла прыгаварыць Дзмітрыя Канавалава і Уладзіслава Кавалёва да смяротнага пакарання. Іх вінавацяць у выбухах у Віцебску ў 2005 годзе, а таксама ў Мінску ў 2008 і 2011 гадах. Адвакаты падсудных настойваюць на тым, што віна Канавалава і Кавалёва не даказаная.
