Рабочага пазбавілі прэміі, бо патрабаваў пераразлічыць заробак
У судзе Кастрычніцкага раёна Магілёва 5 красавіка пачаўся судовы працэс паміж работнікам і кіраўніцтвам Магілёўскага вагонабудаўнічага заводу.
Актывіст незалежнага прафсаюза радыёэлектроннай прамысловасці Валадар Цурпанаў абскарджвае рашэнне адміністрацыі. Рабочы-зварнік кажа, што яго пазбавілі прэміі пасля таго, як ён звярнуўся з просьбай зрабіць пераразлік заробку за выкананую працу.
Нагодай для гэтага стаў яго касцюм зварніка, які Цурпанаў зрабіў сабе сам. Гэты касцюм адрозніваўся ад недаўгавечнай формы, што выдаюць зварнікам на заводзе. Спецвопратка праз 4-5 месяцаў прыходзіць ў непрыдатны стан.
Другое судовае паседжанне адбудзецца 15 красавіка з удзелам сведкаў з ліку рабочых заводу.
Фота: Еўрарадыё
