Расійскія махляры прадалі машыну, якую ўзялі на пракат у Мінску
Затрыманыя трое грамадзян Расіі (аднаму з іх 22 гады, дваім — па 20), распачатая крымінальная справа.
Як паведамляе БелаПАН, махляры ўзялі на пракат у беларускай сталіцы аўтамабіль "Таёта-Кемры". Выкарыстоўваючы падробленыя дакументы і выкрадзеныя транзітныя рэгістрацыйныя знакі, маладыя людзі прадалі аўтамабіль за 19300 долараў грамадзяніну Азербайджана.
Расіян затрымаў у Мінску спецназ транспартнай міліцыі. У следства ёсць падставы меркаваць, што матэрыялы папоўняцца яшчэ як мінімум двума аналагічнымі эпізодамі.
