Лукашэнка: У Беларусі бамжоў няма!
Расійскія журналісты знайшлі ў Брэсцкай крэпасці бамжа. “Я думаў, ужо ніводнага ў краіне няма. А не, адзін усё ж ёсць!” ― пракаментаваў Аляксандр Лукашэнка.
Па словах кіраўніка краіны, бяздомных і жабракоў у Мінску не засталося.
Аляксандр Лукашэнка: “У Мінску ў нас адкрытыя начлежкі, ці як іх назваць… Шыкарнейшыя дамы. Мы іх [бяздомных] збіраем туды. Памыем, пачысцім. І ён узімку не загіне”.
На мінулым тыдні Еўрарадыё паразмаўляла з жабрачкай, якая збірае міласціну ў падземным пераходзе ля Нацыянальнага банка, у 300 метрах ад будынку адміністрацыі Аляксандра Лукашэнкі.
