Румынскія грошы трапілі ў Кнігу рэкордаў Гінэса
Купюра наміналам у 1 мільён лей прызнаная найвялікшай банкнотай у свеце, паведамляюць інфармагенцтвы.
Такую купюру Нацыянальны банк Румыніі выпусціў у 2003 годзе ў сувязі з інфляцыяй. У той час мільён лей быў роўным прыкладна 30 доларам. Яе памер — 168х78 мм. На ёй змешчаная выява румынскага пісьменніка Іёна Лукі Караджале. У 2005 годзе купюру вывелі з абарачэння пасля праведзенай у краіне грашовай рэформы.
А вось найменшай купюрай у свеце таксама прызналі румынскую купюру — 10 бань. Яе даўжыня ўсяго 38 мм, а шырыня — 27,5 мм. Банкноту выпусцілі ажно ў 1917 годзе, у перыяд Першай сусветнай вайны.
