Рымашэўскі: Перасталі працаваць усе сайты, звязаныя з БХД
Адзін з лідараў аргкамітэта па стварэнні партыі Беларуская хрысціянская дэмакратыя кажа, што нешта падобнае было толькі 19 снежня 2010 года.
Віталь Рымашэўскі: "Сёння раніцай перасталі працаваць усе сайты Беларускай хрысціянскай дэмакратыі. Гэта атака нават на тыя праекты, якія звязаныя з партыяй ускосна. Напрыклад, сайт represii-by.info, антыкамуністычны, антытаталітарны праект, таксама не працуе сёння".
120217 Rymaszeuski_0.mp3
Паводле слоў Рымашэўскага, цяпер ідуць працы па аднаўленні працы інфармацыйных рэсурсаў. Ён лічыць, што сёння адбылася "трэніроўка спецслужбаў перад выбарамі" — была спынена праца сайтаў арганізацыі, якая выступае за байкот.
