Саннікава ў СІЗА КДБ прымушалі глядзець антысэміцкі фільм
Са словаў лідэра “Еўрапейскай Беларусі” Андрэя Саннікава, яму паказвалі чарнасоценны фільм “Расія з нажом у спіне”.
Гэта фільм расіяніна Канстанціна Душэнава, які яшчэ летась быў прызнаны ў Расіі экстрэмісцкім. У ім прапагандуецца антысэмітызм і змешчаны заклікі змагацца з “жыдоўскім фашызмам”. Аўтар фільма атрымаў тры гады калоніі-пасялення. Тым не менш, гэтую стужку паказвалі Андрэю Саннікаву ў часе знаходжання ў СІЗА КДБ. Мэты гэтага паказу невядомыя.
